Busturialdeko Hitza

Lanean ari dira kanposantuan

Gizartea Kanposantuko sarbiderako bidean bi metroko espaloia jarriko dute eta lau eserleku ipiniko dituzte.

o. zabalondo

Busturiko Udala hainbat hobetze lan egiten ari da kanposantuan. Lehenengo eta behin, kanposantua inguratzen duen horma berreraikitzen ari dira.

Kanposantu aurrean dauden bost metroak aprobetxatuko dituzte kanposantua handitzeko. Izan ere, lur horiek 1953.urtetik Udalarenak dira. Bestalde, kanposantuaren inguruko lurren berdinketa egingo dute, eta aparkalekuetarako erabili ahal izango da.

Posible izanez gero, beste bost metrotan aparkalekuak egingo dituzte. Hala ere, lurrak pribatuak dira eta lurren ematea negoziatzen ari dira. Azkenik, kanposanturako sarbiderako bidean bi metroko espaloia jarriko dute eta lau eserleku jarriko dituzte.